வீடமைப்பு, நிர்மாணிப்பு மற்றும் நீர் வழங்கல் அமைச்சின் நிதி ஒதுக்கீட்டில் கரைச்சி பிரதேச செயலாளர் பிரிவில் அமுல்படுத்தப்பட்ட வீட்டுத்திட்டத்தின் கீழ் நிர்மாணிக்கப்பட்ட வீடுகள் 16.06.2026 அன்று பயனாளிகளிடம் கையளிக்கப்பட்டன.வீடமைப்பு, நிர்மாணிப்பு மற்றும் நீர் வழங்கல் அமைச்சின் நிதி ஒதுக்கீட்டில் கரைச்சி பிரதேச செயலாளர் பிரிவில் அமுல்படுத்தப்பட்ட வீட்டுத்திட்டத்தின் கீழ் நிர்மாணிக்கப்பட்ட வீடுகள் 16.06.2026 அன்று பயனாளிகளிடம் கையளிக்கப்பட்டன.

இந் நிகழ்வில் கௌரவ வீடமைப்பு நிர்மாணிப்பு மற்றும் நீர் வழங்கல் பிரதியமைச்சர் T. B. சரத் அவர்கள் பிரதம அதிதியாக கலந்து கொண்டு சம்பிரதாய பூர்வமாக பயனாளிகளிடம் வீட்டினை கையளித்தார். மேலும் கௌரவ பாராளுமன்ற உறுப்பினர் க. இளங்குமரன் ,கிளிநொச்சி மாவட்ட அரசாங்க அதிபர் சு. முரளிதரன், கரைச்சி பிரதேச செயலாளர் த.முகுந்தன் ஆகிய அரச அதிகாரிகள் மற்றும் பொதுமக்கள் என பலர் இந்நிகழ்வில் கலந்து கொண்டனர்.

அவசரமான காலநிலை தொடர்பான நடவடிக்கை” எனும் தொனிப்பொருளின் கீழ் பாடசாலை மாணவர்களுக்கான விழிப்புணர்வு நிகழ்வு

காலநிலை மாற்றத்தால் ஏற்படும் சவால்கள் மற்றும் அதன் தாக்கங்கள் குறித்து மாணவர்களிடையே விழிப்புணர்வை ஏற்படுத்தும் நோக்கில், “அவசரமான காலநிலை தொடர்பான நடவடிக்கை” எனும் தொனிப்பொருளின் கீழ் பாடசாலை மாணவர்களுக்கான விசேட விழிப்புணர்வு நிகழ்வு கிளி/கிளிநொச்சி இந்துக் கல்லூரியில்  நடைபெற்றது.

இந்நிகழ்வில் மாணவர்களுக்கு காலநிலை மாற்றத்தின் காரணங்கள், அதன் சுற்றுச்சூழல் மற்றும் சமூக விளைவுகள், இயற்கை வளங்களைப் பாதுகாப்பதன் அவசியம், மரநடுகை, கழிவு முகாமைத்துவம், ஆற்றல் சேமிப்பு மற்றும் நிலையான வாழ்க்கை முறைகள் தொடர்பாக விளக்கமளிக்கப்பட்டது.

மேலும், காலநிலை மாற்றத்தைக் கட்டுப்படுத்துவதற்கான உலகளாவிய மற்றும் தேசிய மட்ட நடவடிக்கைகள் பற்றியும் மாணவர்களுக்கு அறிமுகப்படுத்தப்பட்டது. அத்துடன், ஒவ்வொரு மாணவரும் சுற்றுச்சூழலைப் பாதுகாப்பதில் வகிக்க வேண்டிய பொறுப்பு மற்றும் எதிர்கால தலைமுறைக்காக நிலையான சூழலை உருவாக்குவதன் முக்கியத்துவம் வலியுறுத்தப்பட்டது.

நிகழ்வின் போது மாணவர்கள் ஆர்வத்துடன் கலந்துகொண்டு கருத்துப் பரிமாற்றங்களிலும் கேள்வி–பதில் அமர்வுகளிலும் பங்கேற்றனர். இதன் மூலம் காலநிலை மாற்றம் தொடர்பான அறிவை மேம்படுத்திக் கொள்ளும் வாய்ப்பைப் பெற்றதுடன், சுற்றுச்சூழல் பாதுகாப்பு நடவடிக்கைகளில் செயற்பாட்டுடன் ஈடுபடுவதற்கான ஊக்கத்தையும் பெற்றனர்.

இத்தகைய விழிப்புணர்வு நிகழ்வுகள் மாணவர்களிடையே சுற்றுச்சூழல் பொறுப்புணர்வை வளர்ப்பதோடு, காலநிலை மாற்றத்தைக் கட்டுப்படுத்துவதற்கான சமூகப் பங்களிப்பையும் வலுப்படுத்தும் என எதிர்பார்க்கப்படுகிறது.

புகைத்தல் மற்றும் மது ஒழிப்பு தொடர்பான விழிப்புணர்வு கருத்தரங்கு (12.06.2026)

சமுர்த்தி அபிவிருத்தி திணைக்களத்தால் நடைமுறைப்படுத்தப்பட்டு வரும் புகைத்தல் எதிர்ப்பு தினத்தை முன்னிட்டு   "போதையற்ற ஒரு நாடு செழிப்பான ஒரு நாளை" எனும் தொனிப்பொருளில் கரைச்சி பிரதேச செயலக பிரிவிற்குட்பட்ட  கிளி/வட்டக்கச்சி மாகாவித்தியாலயத்தில்  இன்று காலை 9.00 மணிக்கு போதைக்கு எதிரான விழிப்புணர்வு கருத்தரங்கும்  சிறிய வினாவிடை போட்டியும் அதனை தொடர்ந்து  பரிசளிப்பு நிகழ்வு நடைபெற்றது.