“ஒன்றாக இணைவோம் – சுத்தமான இலங்கையை கட்டியெழுப்புவோம்” என்ற தொனிப்பொருளின் கீழ், நாட்டின் அனைத்து கிராம அலுவலர் பிரிவுகளையு உள்ளடக்கும் வகையில் முன்னெடுக்கப்படும் ‘அத்தம’ தேசிய தூய்மை வேலைத்திட்டத்தின் இரண்டாம் கட்ட நிகழ்வானது இன்று (19.09.2026) நாடளாவிய ரீதியில் ஆரம்பிக்கப்பட்டது.“ஒன்றாக இணைவோம் – சுத்தமான இலங்கையை கட்டியெழுப்புவோம்” என்ற தொனிப்பொருளின் கீழ், நாட்டின் அனைத்து கிராம அலுவலர் பிரிவுகளையும் உள்ளடக்கும் வகையில் முன்னெடுக்கப்படும் ‘அத்தம’ தேசிய தூய்மை வேலைத்திட்டத்தின் இரண்டாம் கட்ட நிகழ்வானது இன்று (19.09.2026) நாடளாவிய ரீதியில் ஆரம்பிக்கப்பட்டது.
Clean Sri Lanka வேலைத்திட்டத்தின் கீழ் முன்னெடுக்கப்படும் இத்திட்டத்தின் கிளிநொச்சி மாவட்டத்திற்கான பிரதான நிகழ்வு, கரைச்சி பிரதேச செயலாளர் பிரிவிற்குட்பட்ட ஆனைவிழுந்தான்குளம் கிராம அலுவலர் பிரிவில் நடைபெற்றது.
கரைச்சி பிரதேச செயலாளர் திரு. தவச்செல்வம் முகுந்தன் அவர்களின் தலைமையில் நடைபெற்ற நிகழ்வில், Clean Sri Lanka செயலணியின் கிளிநொச்சி மாவட்ட இணைப்பாளர் திரு. மருங்கன்  மோகன், 551ஆவது படைப்பிரிவின் கட்டளைத்தளபதி பிரிகேட் கொமாண்டர் H.M.M.P கேரத் மற்றும் கிளிநொச்சி மாவட்ட பிரதித் திட்டமிடல் பணிப்பாளர் திருமதி மாலதி ரமேஸ் ஆகியோர் கலந்து கொண்டு தேசிய தூய்மை வேலைத்திட்டத்தை உத்தியோகபூர்வமாக ஆரம்பித்து வைத்தனர்.
இந்நிகழ்வில் கரைச்சி பிரதேசசெயலக உதவிப் பிரதேசசெயலாளர், 11ஆவது கஜபாகு படையணியின் கட்டளை அதிகாரி மேஜர் வீரகோன், Clean Sri Lanka  பிரதேச இணைப்பாளரும் பிரதேச சபை உறுப்பினருமான திரு. கே.சஜீவன், கிளி/ ஆனைவிழுந்தான்குளம் அ.த.க பாடசாலை அதிபர் திருமதி கனகலிக்கம்  குமுதினி மற்றும் ஆசிரியர்கள், அக்கராயன்குளம் பொலிஸ் நிலையப் பொறுப்பதிகாரி, அரச உத்தியோகத்தர்கள், பொலிஸ், இராணுவம், சமூகமட்ட அமைப்புக்களின் உறுப்பினர்கள், பிரதேச மக்கள் மற்றும்  மாணவர்கள் உள்ளிட்ட பலரும் கலந்து கொண்டனர்.
இந்த தேசிய வேலைத்திட்டத்தின் ஊடாக, கிளி/ ஆனைவிழுந்தான்குளம் அ.த.க பாடசாலை மைதானம் மற்றும் உள்ளக வளாகம் ஆகியன இராணுவத்தினர் இணைந்து பொதுமக்களின் பங்களிப்புடன் தூய்மைப்படுத்தப்பட்டதுடன் கிராம மட்டத்தில் “சுத்தமான இலங்கை” என்ற இலக்கை அடைவதற்கு அனைவரும் ஒன்றிணைந்து செயற்படுவதன் முக்கியத்துவம் வலியுறுத்தப்பட்டது.

தேசிய நேர்மை வாரம் – 2026 ஆரம்பநாள் நிகழ்வு கரைச்சி பிரதேச செயலகத்தில் நடைபெற்றது.

தேசிய நேர்மை வாரம் – 2026 ஆரம்பநாள் நிகழ்வு எமது பிரதேச செயலாளர் திரு.த.முகுந்தன் அவர்களின் தலைமையில் கரைச்சி பிரதேச செயலகத்தில் சிறப்பாக நடைபெற்றது
“நேர்மைக் கலாசாரம் – கிளீன் ஸ்ரீ லங்கா தேசிய நிகழ்ச்சித்திட்டம்” என்ற தொனிப்பொருளின் கீழ் தேசிய நேர்மை வாரம் – 2026 (2026 ஜூலை 27 முதல் 31 வரை) நாடளாவிய ரீதியில் நடைமுறைப்படுத்தப்பட்டு வருகிறது. இதன் ஒரு பகுதியாக “சட்டத்தை மதிக்கும் நேர்மையான அரச சேவை” எனும் கருப்பொருளை முன்னிறுத்திய ஆரம்பநாள் நிகழ்வு, 2026 ஜூலை 27ஆம் திகதி காலை 9.00 மணிக்கு கரைச்சி பிரதேச செயலகத்தில் சிறப்பாக நடைபெற்றது.

இந்நிகழ்வுகள் தேசியக் கொடியேற்றலுடன் ஆரம்பிக்கப்பட்டது, அதனைத் தொடர்ந்து, “தேசிய நேர்மை சத்தியப்பிரமாணம்” அனைத்து கரைச்சி பிரதேச செயலக  அலுவலர்களாலும் வாசிக்கப்பட்டு, நேர்மையான மற்றும் பொறுப்புணர்வுள்ள அரச சேவையை வழங்கும் சத்தியப்பிரமாணம் மேற்கொள்ளப்பட்டது. இந்நிகழ்வில், மேற்பார்வை ஒன்று இல்லாத நேரத்திலும் சிறந்த கண்ணியமிக்க அரச சேவையை வழங்குதலை  வலியுறுத்தி உதவி பிரதேச செயலாளர் நிகழ்வின் சிறப்புரை நிகழ்த்தினார்.

இத்தகைய நிகழ்வுகள், நேர்மைக் கலாசாரத்தை அரச சேவையில் மேலும் வலுப்படுத்துவதோடு, மக்களின் நம்பிக்கையைப் பேணும் பொறுப்புணர்வுமிக்க, சட்டத்தை மதிக்கும் மற்றும் மக்கள் மையப்படுத்தப்பட்ட அரச சேவையை உருவாக்குவதற்கான முக்கியமான முன்னெடுப்பாக அமைகின்றன.